റെക്കോഡ്‌ സൃഷ്‌ടിക്കാന്‍ വ്യത്യസ്‌തമാര്‍ഗങ്ങളായിരിക്കും ഓരോരുത്തരും സ്വീകരിക്കുക. ഓസ്‌ട്രേലിയക്കാരിയായ ലെന്നി മാര്‍ട്ടെല്‍ എന്ന വീട്ടമ്മയാണ്‌ ലോകറെക്കോഡ്‌ സൃഷ്‌ടിക്കാന്‍ വ്യത്യസ്‌തമായൊരു ആശയവുമായി രംഗത്തിറങ്ങിയിരിക്കുന്നത്‌. ലോകത്തെ ഏറ്റവും വലിയ ബ്രാ ശൃംഖല തീര്‍ത്ത്‌ റെക്കോഡ്‌ ഇടുകയാണ്‌ രണ്ടു കുട്ടികളുടെ മാതാവായ ഈ യുവതിയുടെ ലക്ഷ്യം. റെക്കോഡ്‌ സൃഷ്‌ടിക്കാനുള്ള ശ്രമത്തിലൂടെ സ്‌തനാര്‍ബുദത്തെക്കുറിച്ചുള്ള ബോധവത്‌കരണവും ലെന്നി ലക്ഷ്യമിടുന്നുണ്ട്‌.
166,625 ബ്രാകളുടെ ശൃംഖലയുടെ മുന്‍റെക്കോഡ്‌ തകര്‍ക്കുകയാണ്‌ ലെന്നിയുടെ ലക്ഷ്യം. ബ്രാകള്‍കൊണ്ട്‌ ഒരുമഹാശൃംഖല തീര്‍ക്കാനുള്ള പദ്ധതി ലെന്നി പ്രഖ്യാപിച്ചപ്പോള്‍ തന്നെ രാജ്യത്തിന്റെ വിവിധ ഭാഗങ്ങളില്‍നിന്ന്‌ വന്‍ പിന്‍തുണയാണ്‌ ലഭിക്കുന്നത്‌. ഏതാനും ദിവസങ്ങള്‍ക്കുള്ളില്‍ തന്നെ പതിനായിരക്കണക്കിനു ബ്രായാണ്‌ തനിക്ക്‌ ലഭിച്ചതെന്നാണ്‌ ലെന്നി പറയുന്നത്‌. റെക്കോഡ്‌ സൃഷ്‌ടിക്കാനുള്ള പരിശ്രമത്തിനിടയില്‍തന്നെ വാര്‍ത്തകളില്‍ നിറയുക എന്ന തന്റെ ലക്ഷ്യം സാധിച്ച സന്തോഷത്തിലാണ്‌ ഈ യുവതിയിപ്പോള്‍.
No comments:
Post a Comment